Arkadiusz Milik do të ndërrojë skuadër, por jo edhe kampionat.
Sulmuesi polak është bërë ndër më të kërkuarit në tregun e transferimeve, pasi shumë skuadra kërkonin shërbimet e tij.
Juventus, Atletico Madrid, Everton, Arsenal, Tottenham Hotspur, Milan, Inter e Roma ishin skuadrat që donin transferimin e polakut.
Por garën për të e ka fituar klubi italian Roma, që tanimë ka arritur marrëveshje personale me Milik.
Ish-anëtari i Bayer Leverkusen dhe Ajax është pajtuar me një kontratë pesë vjeçare me Romën ku do të fitojë pesë milionë euro në sezon.
26-vjeçari shënoi 14 gola edicionin e kaluar me fanellën e Napolit në 35 ndeshje zyrtare.
Por Roma duket shumë afër marrëveshjes edhe me klubin italian për shërbimet e Milik.
Giallorosët i kanë bërë ofertë prej 25 milionë euro Napolit si dhe do t’i japin një nga lojtarët e rinj.
Gjithsesi sipas medieve italiane zyrtarizimi i Milik si lojtar i Romës tanimë është çështje ditësh. /Telegrafi/