Rikthehet ruleti rus, versioni i ri i lojës vdekjeprurëse (Video)

Edhe pse kjo lojë është shpikur sipas idesë së ish-mjeshtrit të paralizuar të arteve marciale Valeri Eschenko, ajo është rikthyer këto ditë në qytetin rus Permu në Urale.

Bëhet fjalë për një variant tjetër të ruletit rus, por në këtë version nuk shkrepen plumbat por elektroshoku që mund të shkaktojnë probleme serioze, transmeton Telegrafi.

Loja që sjell shuma të majme të parave dhe rrit adrenalinën, ka rregulla të ngjashme sikurse versioni klasik i kësaj loje vdekjeprurëse.

E gjitha çfarë nevojitet është futja e një "plumbi" në revolver  që më pas sillet. Ndërkaq pjesëmarrësit e lojës e shkrepin në kokë, dhe "fatlumit" nuk i shkrep në kokë një plumb, por valë elektrike.

"Plumbat elektrik" janë shumë të rrezikshëm, pasi pas goditjes muskujt mpihen dhe i gjithë trupi ndjen therje, kurse pjesëmarrësit e lojës pranojnë se elektroshoku shkakton probleme serioze.

Qëllimi i lojës është që lojtari të fsheh dhimbjen që e ndjen dhe të sillet sikur të mos kishte ndodhur asgjë e keqe, apo të sillet sikur të mos jetë goditur nga asgjë.

Ai apo ajo lojtare që arrin ta realizoi këtë, dhe që mund ta ketë faktin të mos goditet nga ai plumb me rrymë shpallet fitues. /Telegrafi/