Rihanna së bashku me Jack Dorsey do të sigurojnë mbështetje financiare për individët që vuajnë nga dhuna në familje.
Fondacioni i saj “Clara Lionel Foundation (CLF)” dhe drejtori i përgjithshëm i Twitterit janë bashkuar për t’u ndihmuar këtyre viktimave në Los Angeles gjatë urdhrit të qëndrimit në shtëpi ndaj COVID-19, shkruan Rolling Stone.
Granti i përbashkët prej 4.2 milionë dollarë për Fondin e Kryetarit të Komunës për Los Angeles, do të ndihmojë në ofrimin e mbështetjes dhe burimeve për individët dhe fëmijët që vuajnë nga dhuna në familje, përfshirë strehimin, ushqimin dhe këshillimin. CLF dhe Dorsey secili i janë zotuar 2.1 milionë dollarë fondit.
Javën e kaluar, CLF i Rihannas dhe Fondacioni Shawn Carter i Jay-Z dhuruan dy milionë dollarë për të mbështetur punëtorë pa dokumente, popullsinë e burgosur, të pastrehë dhe të moshuar dhe fëmijë të punonjësve të kujdesit shëndetësor në Los Angeles dhe New York, në mesin e pandemisë coronavirus.
CLF gjithashtu dhuroi pesë milionë dollarë për organizata të shumta në të gjithë botën për të ndihmuar në mbrojtjen e punonjësve të kujdesit shëndetësor dhe komuniteteve të margjinalizuara në betejën e tyre me pandeminë COVID-19. /Telegrafi/
