04/09/2017
Rey Manaj dhe Interi i kanë rrugët përfundimisht të ndara.
Pas dy periudhave huazuese te Pisa dhe Pescara pa obligimin e blerjes, është futbollisti shqiptar, ai i cili pritet të mos kthehet më te Interi.
Mediat italiane shkruajnë se në kontratën mes Interit dhe Granadas pos huazimit është edhe obligimi i blerjes nga klubi spanjoll.
Granada do të paguajë 2 milionë euro për shërbimet e sulmuesit shqiptar.
Në dy periudhat e kaluara huazuese, Manaj kishte 29 paraqitje duke shënuar vetëm 4 herë.
Manaj asnjëherë nuk arriti t'i përmbushë pritjet te Interi, andaj edhe u dha si huazim në Serie B.
Kujtojmë se Manaj nuk ka arritur të sigurojë as ftesën nga kombëtarja shqiptare. /Telegrafi/