25/04/2019
Një grua ka rënë sot nga kati i gjashtë i një ndërtese në Ferizaj, por fatmirësisht ajo ka shpëtuar.
Kështu ka bërë të ditur për Telegrafin, zëdhënësi i Policisë së Kosovës për rajonin e Ferizajt, Agim Gashi.
“Rreth orës 15:30 minuta në rrethana ende të panjohura një person i gjinisë femërore ka rënë prej katit të gjashtë. Është dërguar në spital në qendrën emergjente me shenja jete dhe tani ndihma e parë është duke u përgatitur që ta dërgojë në klinikë në Prishtinë”, ka theksuar Gashi.
Gashi ka deklaruar se ende nuk dihet mosha e as arsyeja e rënies së gruas nga kati i gjashtë.
Detaje më të hollësishme rreth rastit do të publikohen më vonë. /Telegrafi/