Protestuesi grushtohet nga një mbështetës i Donald Trump (Video)

Video të shumta tregojnë një protestues në një tubim të Donald Trump në Karolinën e Veriut duke u goditur me grushte nga një mbështetës i Trump.

Në videot, të cilat u shfaqen në media sociale të enjten tregojnë një afrikano-amerikan me flokë të gjata, i veshur me një bluzë të bardhë duke e lënë tubimin e Trump, transmeton Telegrafi.

Ai ishte nxjerrë jashtë nga tubimi nga burrat me uniforma në të cilat shkruante "Zyra e Sherifit".

Siç edhe mund të shihet nga videot, burri në fjalë ua tregon gishtin e mesëm audiencës gjatë daljes nga tubimi.

Pas kësaj, një burrë, me një kapelë, i cili duket të jetë i bardhë, e godet atë në fytyrë.

Në fund protestuesi ndalohet nga një numër i njerëzve me uniforma. /Telegrafi/