Liverpooli thuhet se është në shitje pasi pronari John Henry është duke punuar në gjetjen e një blerësi.
Reds janë klubi anglez me më së shumti trofe dhe njëri nga klubet më të titulluara në botën e futbollit.
Në sezonin e fundit, Liverpooli arriti në finalen e Ligës së Kampionëve, por në fund u mposhtën 3-1 nga Real Madridi.
Arritja deri në finalen e Kievit ia ka rritur tej mase klubit të ardhurat, por edhe vlerën në përgjithësi.
Megjithatë, sipas New York Post, pronari i Liverpoolit, John Henry, po punon për të shitur klubin anglez.
Henry, i cili gjithashtu zotëron klubin Boston Red Sox, po kërkon një çmim prej dy miliardë dollarësh apo 1.76 miliardë eurosh për klubin e Ligës Premier.
Miliarderi amerikan e bleu Liverpoolin për 477 milionë dollarë në vitin 2010 dhe ky do të ishte një fitim i madh për të.
Gjatë verës u përfol edhe për një ofertë të refuzuar nga klubi anglez që thuhet se peshonte dy miliardë euro. /Telegrafi/