Prishtina e mposht Konizin
07/07/2013
Golin e vetëm e shënoi Argjend Malaj pas asistimit të Isuf Llumnicës. Kjo ndeshje njëherësh ishte edhe rast i mirë për trajnerin, Afrim Tovërlani, për t’i provuar të gjithë futbollistët e rinj.
Në këtë ndeshje ishin të pranishëm mbi 1.000 bashkatdhetarë nga Zvicra që erdhën për t’i mbështetur bardhekaltërit dhe u ndanë të kënaqur me paraqitjen e tyre.
Pas ndeshjes, futbollistët e Prishtinës dhuruan fanellat për tifozët e shumtë shqiptarë në Zvicër dhe ndanë momente të mira me ta. /Telegrafi/