18/06/2019
Pas shortit të Ligës së Kampionëve, është hedhur edhe shorti për fazën kualifikuese në Ligën e Evropës.
Skuadra e vetme kosovare që merr pjesë, Prishtina ka mësuar kundërshtarin e ardhshëm në rast se e mposht St Joseph’s e Gjibraltarit.
Prishtinasit do të përballen me një skuadër gjigante evropiane, e cila udhëhiqet nga Steven Gerard.
Rangers është ekipi i radhës që mund të ballafaqohen prishtinasit, ku luan edhe lojtari i kombëtares shqiptare, Eros Grezda.
Ndeshja e parë Prishtina – Rangers, kuptohet nëse prishtinasit kalojnë tutje, do zhvillohet me 11 korrik në Fadil Vokrri. /Telegrafi/
