Princi Harry dhe bashkëshortja e tij, Meghan Markle, të cilët nga dita në ditë presin lindjen e fëmijës së tyre të parë, po mendojnë të jetojnë në Afrikë për disa vite.
"Ndoshta çifti i ri do të transferohet vitin e ardhshëm”, shkruan gazeta Sunday Times, sipas hipotezës së David Manning, ish-ambasadori britanik në SHBA dhe këshilltar special i mbretërisë.
Zhvendosja e çiftit mbretëror, vendimi për të cilin nuk do të merret para vitit 2020, me siguri do të jetë në një vend të Commonwealthit.
Në kontinentin afrikan kjo bashkësi ka 19 anëtarë, duke përfshirë Afrikën e Jugut, Nigerinë, Ugandën dhe Ganën.
Gjithashtu, duke pasur parasysh këtë, Meghan kohët e fundit u emërua nga mbretëresha Elizabeth II presidente e Trustit të Commonwealthit.
Por, pas shkrimit të Sunday Times, ka të tillë që këtë vendim e konsiderojnë si një formë të çiftit për të qëndruar sa më larg nga princi William dhe gruaja e tij, Kate Middleton, me të cilët thuhet se nuk kanë raporte të mira.