Presidenti i Romës, Pallota: Po vazhdojmë të dëmtohemi, tani edhe me VAR

Presidenti i Romës, James Pallotta ishte i zemëruar pas eliminimit të Romës nga Liga e Kampionëve.

Romakët pësuan humbje pas vazhdimeve prej dy herë nga 30 minuta nga Porto, meqenëse rezultati i përgjithshëm nga të dyja ndeshjet ishte e barabartë, 2:1 dhe 1:2.

Por, goli i shënuar në minutat e fundit nga pika e bardhë pas rishikimit të situatës përmes VAR-it, ka bërë që të ankohet edhe i pari i kryeqytetasve italian.

Italianët ankohen se gjyqtari Cuneyt Cakir nuk gjykoi penalti kur Patrik Schick ra në zonën e rreptësisë së portugezëve dhe prekja me dorë të topit nga ana e Marigas.

Në fakt, gjyqtari turk vendosi të mos akordoi penalti pas konsultimeve me kolegët në dhomën e VAR-it, të cilët i sugjeruan që ndeshja duhet të vazhdojë.

"Sezonin e kaluar ne u plaçkitëm dhe tani edhe kjo përmes VAR-it. Schick u pengua qartë në zonën e penalltisë dhe ky ishte një ndëshkim, megjithatë asgjë nga VAR-i. Boll më me këto ndyrësira, nuk kam më fjalë", shkroi ai në llogarinë personale në Twitter.

Ndryshe, Porto do ta mësojë kundërshtarin e radhës të çerekfinales pas hedhjes së shortit në Nyon. /Telegrafi/