Porsche Panamera e vjedhur kapet në kufi në Maqedoni
Siç bëjnë të ditur nga Ministria e Punëve të Brendshme, 29 vjeçari nga Shqipëria ka hyrë në vendkalimin kufitar "Shën Naumi" me automjetin "Porsche Panamera", por policia ka konstatuar se automjeti është i raportuar i vjedhur.
"Më 24.08.2024 në orën 23:00 në VK Shën Naumi, në hyrje në Maqedoninë e Veriut, L.H (29) nga Shqipëria ka ardhur me automjetin "Porsche Panamera", me tabela shqiptare dhe pas kontrollit kufitar, është konstatuar se automjeti është i raportuar për i vjedhur", thonë nga policia.
Nga policia shtojnë se automjeti ka qenë i vjedhur në Norvegji dhe ndodhet në bazën e interpolit.
"Automjeti është konfiskuar, ndërsa për rastin është njoftuar prokurori publik dhe po ndërmerren masat për zbardhjen e rastit", sqarojnë nga policia./Telegrafi/