Pete Davidson ndau një rrëfim emocional rreth asaj se si fjalët e nënës së tij e frymëzuan të niste procesin e rehabilitimit dhe rikuperimit.
Duke u shfaqur në podkastin "This Past Weekend with Theo Von" të komedianit Theo Von, Davidson foli për marrëdhënien e tij të ngushtë me nënën e tij, Amy, dhe se si ajo e frymëzoi të fillonte rehabilitimin.
"Ajo ishte mbështetësja më e mirë ndonjëherë. Arriti deri në atë pikë sa më telefonoi ndërsa isha në rehabilitim dhe më tha: 'Frika ime më e madhe është se mos ndez lajmet dhe shoh se djali im ka vdekur'. Ajo më mbështeti gjithmonë dhe donte të kisha vetëm pozitivitet përreth meje", tha Davidson.
Ai thekson se nëna e tij kishte humbur tashmë diçka që e donte, duke iu referuar babait të tij, Scott Davidson.
"Mendova, 'Në rregull, nuk mund të vdesësh derisa të paktën të vdesë ajo'. Mamaja ime është mbështetja më e mirë në botë. Është një grua e mirë, më e mira. Shiko sa e ëmbël është mamaja ime. Ajo nuk doli kurrë pasi vdiq babai im. Ajo thjesht ia kushtoi veten rritjes sime dhe të motrës sime", tha ai.
Kur Von vlerësoi marrëdhënien e ngushtë të Davidsonit me familjen e tij, ai u përgjigj se ishte shumë me fat në këtë drejtim sepse kishte një familje që nuk i kërkoi kurrë asgjë.
Davidson ka qenë i hapur rreth udhëtimit të tij drejt heqjes së stresit dhe shëndetit mendor. Ai u regjistrua në trajtim në vitin 2024 pasi u diagnostikua me PTSD dhe çrregullim kufitar të personalitetit. Davidson më parë kishte filluar procesin e gjatë të heqjes së tatuazheve të tij, për të cilat foli për Variety.
"Isha i varur nga droga dhe një person shumë i trishtuar. Ndihesha i shëmtuar. Kjo është arsyeja pse fillova të hiqja tatuazhet dhe të filloja nga e para, sepse mendoj se kjo funksionon më mirë për mua dhe trurin tim. Kur shikoj veten në pasqyrë, nuk dua të kem një kujtesë se isha i varur. Tatuazhet duhet të kenë kuptim", tha ai.
Ai theksoi se do t’i duhet shumë kohë për të hequr tatuazhet, dhe i gjithë procesi do të zgjasë pothuajse 10 vjet, shkruan People. /Telegrafi/