31/01/2019
Para pak minutave ka përfunduar edhe takimi i katër partnerëve të koalicionit qeverisës, Ramush Haradinaj, Kadri Veseli, Fatmir Limaj e Behgjet Pacolli,takim ky i cili u mbajt në zyrën e presidentit Hashim Thaçi.
Takimi i tyre kishte nisur, menjëherë pas përfundimit të takimit me ambasadorin amerikan Philip Konsett.
Kryeministri Haradinaj së bashku me Pacollin janë parë duke u larguar nga ndërtesa e Kuvendit ndërsa deri më tani askush nuk është deklaruar për media.
Temë diskutimi ishte taksa ndaj produkteve serbe dhe vazhdimi i dialogut Kosovë-Serbi.
Ndërkaq ende nuk është bërë e ditur se a është marrë ndonjë vendim në këtë takim. /Telegrafi/