10/06/2021
Shërbimi Spitalor Klinik dhe Universitar i Kosovës (ShSKUK), ka njoftuar se pas Spitalit të Gjakovës, edhe në atë të Ferizajt nuk është duke u trajtuar asnjë pacientë me COVID-19.
Në njoftimin e bërë nga ShSKUK, thuhet se kjo është inkurajim për të vazhduar betejën me pandeminë.
“Pas një kohe të gjatë, Spitali i Gjakovës dhe i Ferizajt pa asnjë pacient për trajtim me COVID-19. Zë shprese dhe inkurajim për ta vazhduar betejën, e cila nuk fitohet dot pa angazhim e kujdes gjithë shoqëror”, thuhet në njoftim. /Telegrafi/