​Pandemia COVID-19 do t'i kushtojë rreth 54 miliardë euro Austrisë

Këshilli Fiskal i Austrisë ka llogaritur se si pasojat e krizës së koronës do të ndikojnë në buxhetin këtë dhe vitin e ardhshëm.

Sipas vlerësimeve, vetëm këtë vit pandemia COVID-19 do të kushtojë 34.6 miliardë euro, ndërsa vitin e ardhshëm 19.2 miliardë euro.

Vlerësimi i Këshillit Fiskal bazohet në supozimin se do të ketë një zhvillim pozitiv vitin e ardhshëm.

Barra prej 53.8 miliardë eurosh për buxhet për këto dy vjet përfshin kostot e masave stimuluese, si dhe pasojat e rënies ekonomike.

Presidenti i Unionit Fiskal, Martin Kocher, tha se ai ishte i mendimit që "bllokimi" siç ishte në pranverë duhet të shmanget.

Në të njëjtën kohë, ai paralajmëroi se numri në rritje i të infektuarve rishtas ka një ndikim negativ në aktivitetet ekonomike.

Sipas Këshillit Fiskal, pasojat e pandemisë do të ndihen deri në vitin 2024. /KP/