Federata e Futbollit e Kosovës (FFK) ka zbuluar orarin dhe zyrtarët e ndeshjeve të javës së gjashtë në IPKO Superligën e Kosovës në futboll.
Vikendi i kësaj jave do të sjell ndeshjet e gjashta në kampionatin elitar të Kosovës.
Kjo gjiro e Superligës së Kosovës do të fillojë me një ndeshje të ditës së premte, tri tjera do të zhvillohen të shtunën, ndërsa të dielën dy tjera.
Në ditën e premte do të zhvillohet vetëm ndeshja në mes të Ballkanit dhe Trepçës '89, e cila fillon nga ora 15:45.
Të shtunën do të zhvillohen tri ndeshje: Flamurtari-Feronikeli, Liria-Llapi dhe KEK-u-Drenica.
Dita e diel do të jetë dita e derbit Drita-Prishtina, e cila fillon nga ora 15:35 dhe do të gjykohet nga Dardan Çaka si kryesor dhe anësorët Fatlum Berisha e Bujar Selimaj.
Të dielën zhvillohet edhe ndeshja mes Ferizajt dhe Gjilanit.
