"A Vigilante" është titulli i dramës së re, në të cilën Sarah Daggar-Nickson debuton si regjisore, ndërsa e ka shkruar edhe skenarin.
Rolin kryesor në këtë film e luan aktorja e njohur hollivudiane, Olivia Wilde.
Ngjarja bazohet te një femër hakmarrëse, e cila viktimave të dhunës në familje u ndihmon që të ikin nga ferri që përjetojnë në jetën e tyre.
Krahas Wilde, protagonistë të filmit janë edhe Morgan Spector, Kyle Catlett, C.J. Wilson, Tonye Patano, Chuck Cooper, Betsy Aidem e Judy Marte.
Një premierë e kufizuar "A Vigilante" është dhënë në festivalin "South by Southwest" në vitin e kaluar.
Ndërkaq, shfaqja nëpër kinematë botërore të këtij filmi do të nisë më 29 mars 2019.
Wilde është duke realizuar edhe filmin "Booksmart" në rolin e regjisores, ndërsa është fjala për një komedi që do të jepet premierë po ashtu në festivalin South by Southwest (në muajin mars), ndërsa në maj do të nisë shfaqja nëpër kinema. /Telegrafi/