Nuk ka rritje të harxhimeve për jetesë në Maqedoni
07/07/2016
Harxhimet për jetesë dhe çmimet me pakicë në muajin qershor kanë qenë të njëjta me muajin maj, ndërkaq janë ulur për 0.7%, krahasuar me vitin e kaluar, transmeton Telegrafi Maqedoni.
Sipas Entit Shtetëror për Statistika (ESHS), rritje të harxhimeve janë shënuar në pemët e ndryshme, për 11%, duhani për 5.8%, vezët, për 0.4%, vaji dhe yndyrnat, për 0.2%, si edhe prodhime tjera ushqyese, për 0.5%.
Ndërkaq, ulje të harxhimeve janë shënuar në perime, për 8.9%, sheqeri, xhemi, mjalti, çokolladat, për 1.3%, mishi i thatë, pemët e thata, për 0.5%, peshqit dhe frutat e detit, perimet e ngrira, për 0.3%, si edhe pijet joalkoolike, për 0.2%./Telegrafi/