Një tërmet me magnitudë 7.5 goditi Perunë - nuk u raportua për viktima por ka ndërtesa dhe rrugë të dëmtuara
Një tërmet me magnitudë 7.5 goditi veriun e Perusë rreth 40 km (25 milje) nga qyteti Barranca herët të dielën, tha Shërbimi Gjeologjik i SHBA-së.
Sipas mediave të huaja, përcjell Telegrafi, nuk pati raportime të menjëhershme për të lënduar apo dëme nga tërmeti, i cili u ndje deri në kryeqytetin, Lima.
Sidoqoftë, ndonëse nuk u raportua për viktima, më vonë u tha se ndërtesat dhe rrugët kanë pësuar dëmtime.
Tërmeti goditi në një thellësi prej më shumë se 100 km (60 milje), duke kufizuar nivelin e lëkundjeve.
An #earthquake with a magnitude of 7.5 occurred in #Peru. The focus was located at a depth of 112 km. The epicenter was located at a distance of 37 km from the city of Barranca. Tremors were felt in #Peru, #Ecuador, #Colombia. pic.twitter.com/lJNxrMBovn
— Aleksander Onishchuk (@Brave_spirit81) November 28, 2021
Qendra Sizmologjike Euro-Mesdhetare tha në një postim në Twitter se tërmeti ndodhi në një rajon shumë pak të populluar të pyjeve tropikale të Amazonës.
Ndërsa Sistemi i Paralajmërimit të Cunamit në SHBA tha se nuk kishte paralajmërim për cunami pas tërmetit. /Telegrafi/