20:"Photo:RIDVAN SLIVOVA
04/08/2025
Një person është qëlluar nga një plumb që nuk dihet drejtimi se nga ka ardhur.
Në raportin 24 orësh të Policisë së Kosovës bëhet e ditur se ngjarja ka ndodhur të dielën rreth orës 01:00, në Rahovec.
Tutje bëhet e ditur se viktima është dërguar për trajtim mjekësor në spitalin e Pejës.
“Është raportuar se viktima mashkull kosovar është qëlluar nga një plumb që nuk dihet drejtimi se nga ka ardhur. Viktima është dërguar për trajtim mjekësor në Spitalin e Pejës”, thuhet në raport.
Ndërkaq, në vendin e ngjarjes kanë dalë njësitë përkatëse policore si dhe është njoftuar prokurori. /Telegrafi/