Një futbollist me emrin Tupac Shakur bëri debutimin e tij për klubin e njohur anglez Charlton

Tyreece Anthony Tupac Shakur Campbell (19) bëri debutimin e tij me klubin e divizionit të tretë anglez, Charlton.

Mesfushori i ri luajti një orë në fitoren 1-0 si mysafir ndaj Shrewsbury më 22 tetor dhe që atëherë është bërë hit në mediat sociale.

Ai tërhoqi menjëherë vëmendjen për shkak të emrit të tij të mesëm, të cilin e mori nga reperi i  famshëm amerikan Tupac Shakur, i cili u vra 26 vite më parë.

I riu Tupac Shakur vjen nga lagjja londineze e Peckham. Klubet Charlton dhe Millëall, ndodhen afër Peckham.

Charlton ka luajtur për herë të fundit në Ligën Premier në vitin 2007.

Nëse Tyreece Anthony Tupac Shakur Campbell zhvillon talentin e tij, sigurisht që do ta ketë edhe më të lehtë të arrijë një karrierë të mirë për shkak të emrit të tij të mrekullueshëm. /Telegrafi/