Nga shtatori, rroga minimale në Maqedoni do të jetë 12 mijë denarë

Me një buxhet mujor prej 1.5 milionë euro, qeveria do t'i mbështetë kompanitë për të paguar rrogën minimale prej 12.000 denarëve, përcjell Telegrafi Maqedoni.

Kjo u konfirmua nga vetë ministri i Financave, Dragan Tevdovski, i cili theksoi se kjo masë qeveritare do të fillojë të zbatohet nga shtatori i këtij viti.

Mjetet për të mbuluar këtë masë janë parashikuar në rishikimin e buxhetit. Tevdovski thotë se në Maqedoni ka hapësirë për ngritjen e rrogës minimale nëse shihet struktura e Bruto Prodhimit Vendor, pjesëmarrja e rrogave dhe përfitimeve.

Rritja e rrogës minimale ishte premtim elektoral i LSDM-së në zgjedhjet e parakohshme parlamentare, siç është edhe rritja e rrogës mesatare në 30 mijë denarë./Telegrafi/