Milwaukee Bucks iu bashkohet skuadrave të tjera të NBA që kanë siguruar kualifikimin në raundit çerekfinal të 'play–offit'. Skuadra më e mirë e sezonit të rregullt e çoi në 4-0 rezultatin e serisë ndaj Detroit Pistons e tashmë e presin të paktën katër përballje me Boston Celtics, që eliminuan po me rezultatin 4-0 Indiana Pacers.
Takimi i fundit i zhvilluar në “Little Caesars Arena” të Michiganit përfundoi me rezultat 104-127, ku shkëlqeu Giannis Antetokounmpo, me plot 41 pikë, tri asistime dhe nëntë kërcime, ndërsa Reggie Jackson i Pistons u ndal në 26 pikë, pa mundur të bëjë më shumë për të shmangur humbjen.
Antetokounmpo bëhet lojtari i parë në historinë e NBA-së që realizon mbi 40 pikë në më pak se 32 minuta në fazën 'play off' - transmeton SuperSport.
Nuk do të ketë duele të tjera që e mbyllin serinë me shifrat 4-0, pasi Houston Rockets e humbën sfidën e katërt ndaj Utah Jazz me rezultatin 107-91.
Skuadra nga Salt Lake City triumfoi në “Smart Home Arena” duke e shtyrë festën e Rockets, pavarësisht se James Harden realizoi 30 pikë. Më i miri i kësaj përballjeje rezultoi Donovan Mitchell me 31 pikë, i ndihmuar nga Jae Crowder e Ricky Rubio respektivisht me 23 dhe 18 pikë.