Miley Cyrus e ka konfirmuar se është martuar me Liam Hemsworth në një ceremoni të fshehtë gjatë festave të fundvitit.
Këngëtarja dhe aktorja 26-vjeçare i ka shpërndarë disa fotografi të saja me aktorin 28-vjeçar, teksa çifti shfaqet shumë i lumtur.
Në njërën prej fotografive, shihen të porsamartuarit duke u përqafuar menjëherë pasi i kanë dhënë premtimet.
Miley dhe Liam njoftuan për fejesën e tyre në vitin 2012, mirëpo u ndanë vetëm pas një viti.
Ata u ribashkuan në vitin 2016 kur Cyrus shkoi në Australi për ta kaluar natën e Vitit të Ri me familjen e Hemsworth.
Në postimet e 26-vjeçares në Instagram, ajo ka treguar se martesa ka ndodhur ditën e diel (23 dhjetor 2018).
Autorja e hitit "Wrecking Ball" e ka mbajtur të fshehtë martesën deri më sot (e mërkurë) përkundër spekulimeve në media se ajo dhe Liam ishin martuar. Porse tashmë e ka konfirmuar. /Telegrafi/