28/11/2018
Era Istrefi është përfshirë në frymën festive të 28 Nëntorit duke uruar shqiptarët për Ditën e Flamurit.
Këngëtarja nga Kosova me famë ndërkombëtare me rastin e Ditës së Pavarësisë së Shqipërisë ka sjellë një fotografi të shkrepur në Athinë të Greqisë.
Ajo ka pozuar së bashku me motrën e saj, këngëtaren e njohur, Nora Istrefi, tekso në kokë i kanë vënë plisat.
Për më shumë, dy yjet tona të muzikës e kanë formuar simbolin e shqiponjës me duar.
“Krenarë kudo që jemi”, është përshkrimi i fotografisë së postuar.
Festën e Flamurit shqiptarëve ua ka uruar më herët edhe Nora përmes një postimi në Instagram.
“Urime 28 Nëntorin, Ditën e Flamurit gjithë shqiptarëve kudo që ndodhen”, ka shkruar këngëtarja. /Telegrafi/