Marrëdhëniet e qetësuara Serbi-Maqedoni ende i ngacmon çështja e Kosovës

Marrëdhëniet mes Maqedonisë dhe Serbisë u qetësuan me reagimin e shërbimeve diplomatike të të dy vendeve pas tensionimit të diplomatëve serb dhe ikjes nga Maqedonia.

Kryeministri i Maqedonisë Zoran Zaev dhe presidenti serb Aleksandar Vuçiq në një bisedë nëpërmjet telefonit u dakorduan që në të ardhmen do të veprojnë si fqinjë të mirë.

Në opinion arsyeja kryesore për këtë ftohje marrëdhëniesh ishte ''kontributi i Maqedonisë që Kosova të anëtarësohet në UNESCO.''

Edhe pse dy shtetet u pajtuan, por dilema rreth Kosovës ngelet aty, shkruan Reuters nga Serbia, përcjell Telegrafi Maqedoni.

''Plagë'' e pashërueshme për autoritetet serbe është njohja e Kosovës si shtet i pavarur dhe sovran nga Maqedonia.

Maqedonia është në dilemë të madhe, të plotësojë kapriçot e fqinjëve apo të kënaqë kërkesat e popullatës shtetformuese në vend, pra shqiptarëve që sipas Reuters, janë një e treta e popullit prej 2.1 milionë banorë.

Përndryshe, marrëdhëniet e mirë ndërfqinjësore janë kusht për Maqedoninë, Serbinë, Kosovën dhe Shqipërinë që të hapërojnë drejt Bashkimit Evropian dhe NATO-s. /Telegrafi/