Pas 11 muajve boksieri shqiptar Florian Marku është rikthyer sonte në ring për ta vazhduar karrierën me fitore.
Përballë tij ishte boksieri anglez, Muma Mweemba, i cili mbijetoj vetëm disa sekonda pasi Marku e nokautoi madje tri herë për të mos u zgjuar më.
Ai ka folur me shumë pasion pas meçit duke thënë se boksi është jeta e tij, nuk është vetëm hobi.
“I thash edhe trajnerit, kur unë i vë në dorë këto doreza, ndjehem sikur kam bomba në duar”.
“E prisja që do të fitoja, e dija që ai do të bie”.
Në fund ai i përshëndeti edhe në shqip fansat e tij që janë të shumtë si në Shqipëri ashtu edhe në trojet e tjera shqiptare.
”Kjo është jeta ime. Ky nuk është hobi, kjo për mua është mbijetesë. E jap tërë jetën për këtë... E kam ditur se ai do të bie në tokë".
Faleminderit të gjithëve për përkrahjen, ju kam thënë dhe e mbajta fjalën”, ka thënë në gjuhen shqipe Florian Marku në mikrofonin zyrtar të meçit. /Telegrafi/