Maqedoni, edhe katër ditë afat për shqyrtim të Listës zgjedhore

Më 14 mars skadon afati për shqyrtim të Listës zgjedhore dhe paraqitja për votim të diasporës.

Më këtë datë përfundon edhe paraqitja e kërkesave të qytetarëve për regjistrim, plotësim apo pastrim të të dhënave të listës zgjedhore.

Nga KSHZ-ja bëjnë thirrje të gjithë të interesuarit të cilët dëshirojnë të shqyrtojnë të dhënat e tyre, këtë ta bëjnë në faqen zyrtare të KSHZ-së dhe në njësitë lokale si dhe zyrat e KSHZ-së.

Lista me adresa të njësive lokale, zyrat të KSHZ-së dhe të tjera informacione më të detajuara munden të gjenden në web-faqen zyrtare të KSHZ-së.

Kërkesat për regjistrim, plotësim apo pastrim të të dhënave në Listën zgjedhore qytetarët munden të parashtrojnë vetëm në njësitë rajonale dhe zyrat e KSHZ-së.

Rrethi i parë për zgjedhjet e gjashta me radhë presidenciale është caktuar më 21 prill, ndërsa rrethi i dytë më 5 maj./Telegrafi/