Lidhja Rajonale e Futbollit e Prishtinës (LRFP) ka mbajtur sot (e shtunë) gjatë ditës kuvendin zgjedhor, ku kanë zgjedhur Ismajl Ajetin si përfaqësues në komitetin ekzekutiv të Federatës së Futbollit të Kosovës (FFK).
LRFP ka mbajtur mbledhjen e rregullt për zgjedhjen e anëtarit për komitetin ekzekutiv të FFK-së.
Në këtë mbledhje morën pjesë 22 nga 25 delegatët e kuvendit të LRFP, ku Ismajl Ajeti u zgjodh si përfaqësues i tyre në FFK me mandat katër vjeçar.
Njoftimi pa ndërhyrje i LRFP-sëSot me datë,18.01.2020 u mbajt kuvendi i LRFP-së ,për zgjedhjen e anëtarit për Komitetin Ekzekutiv të FFK-s,ku prezent në këtë kuvend ishin 22 delegat nga 25 sa i ka kuvendi i LRFP-së .Me 19 vota PRO, 1 Kundër,dhe 2 Abstenim, u vendos që z.ISMAJL AJETI, të përfaqësoj LRFP-në ,në komitetin ekzekutiv të FFK-së ,për mandatin 4 vjeqar 2020-2024.Me këtë rast i urojmë z. Ismajl Ajetit punë të mbarë dhe suksese si anëtar i komitetit ekzekutiv i FFK-së !/Telegrafi/ 
