Lidhja e Sindikatave të Maqedonisë kërkon çbllokimin e vendkalimit kufitar Evzoni
Bllokimet e njëpasnjëshme të vendkalimit kufitar Maqedoni - Greqi në pikën Evzoni ka nxitur reagimin e Lidhjës së sindikatave të Maqedonisë (LSDM), duke i dërguar një letër ambasadorit grek në Maqedoni, Dimitris Giannakakis, përcjell Telegrafi Maqedoni.
Letra u është dërguar edhe kryetarëve të Konfederatës së sindikatave të Greqisë - GSEE dhe Konfederatës së sindikatave të shërbimeve publike - ADEDY.
Përmes kësaj letre, LSM-a kërkon që të përfshihen në zgjidhjen e problemit në normalizimin e komunikacionit në drejtim të vendkalimit kufitar Evzoni, që ka ndodhur pas protestave dhe bllokadës së bujqve grek.
LSM-ja shpreh shqetësimin e saj për shkak të pasojave të dëmshme në ekonominë e Maqedonisë, në përkeqësimin e gjendjes ekonomike-financiare të kompanive./Telegrafi/