Liverpooli ka arritur një fitore spektakolare në derbi ndaj Manchester United me rezultat të thellë 7-0.
The Reds kanë shkëlqyer duke dominuar kundërshtarët nga fillimi e deri në fundin e saj.
Trajneri i Liverpoolit, Jurgen Klopp ka thënë se ka mbetur pa fjalë duke fituar një ndeshje të shkëlqyeshme ndaj një skuadre që ishte në formë.
"Jam pa fjalë. Ishte një ndeshje futbolli spektakolare, e shkëlqyeshme. Ne luajtëm futboll cilësor kundër një skuadre që është në formë të shkëlqyer", tha Klopp.
"Fillimi i pjesës së dytë ishte shumë i mirë dhe fundi ishte po ashtu spektakolar. Ky është futbolli, mund të ndodhë".
Klopp tutje ka thënë se ishte një shfaqje e duhur që ka ardhur në një moment shumë të rëndësishëm për Liverpoolin.
"Ishte shtytja që donim. Na vendos në drejtimin e duhur. Të gjithë duhet ta dinë se jemi ende aty. Nuk ishte kështu për ca kohë, por sonte ishte një shfaqje e duhur e asaj që mund të jemi dhe çfarë duhet të bëjmë tani e tutje".
Tutje trajneri gjerman foli edhe për Mohamed Salah i cili u bë golashënuesi më i mirë në histori tëLivepoolit në Ligën Premier.
“129 gola në Ligën Premier për Liverpoolin, kjo është çmenduri. Çfarë statistike e pabesueshme. Ai është një lojtar i veçantë".
"Ne e vlerësojmë atë tani, por në të ardhmen njerëzit do ta kujtojnë dhe do të thonë “wow”, çfarë ka bërë ky njeri! Ne dëshmuam diçka vërtet të veçantë. Kjo është shumë e rëndësishme për ne për 13 ndeshjet në vazhdim. Sonte ishte gjithçka perfekte", deklaroi Klopp. /Telegrafi/