Kjo është letra e Bin Ladenit drejtuar popullit amerikan pas sulmeve të 11 shtatorit (Dokument )
Letra pa datë e Osama bin Laden drejtuar popullit amerikan, është një nga 113 dokumentet e deklasifikuara nga drejtori i Zbulimit Kombëtar.
Letra e cila është konfiskuara më 2 maj të vitit 2011, gjatë bastisjes së strofullës të Bin Ladenit në Abbottabad, fillon, “Për popullin amerikan, paqja qoftë mbi ata që ndjekin rrugën e drejtë”, transmeton Telegrafi.
Dokumenti është pjesë e një grumbulli të dytë të dokumenteve të përkthyera dhe publikuara nga agjencitë amerikane të zbulimit. Grupi i parë i dokumenteve ishte deklasifikuar në maj të vitit të kaluar.
Në dokumentin 4 faqesh, Bin Laden shkruan: “Mënyra për të ndryshuar dhe liruar veten nga presioni i lobistëve nuk është nëpërmjet Republikanëve apo ata të Partisë Demokratike, por duke ndërmarrë një revolucion të madh për liri... Kjo nuk përfshin vetëm përmirësimin e gjendjes tuaj ekonomike dhe forcimin e sigurisë tuaj, por më e rëndësishmja është se ndihmon në marrjen e një vendimi racional për të shpëtuar njerëzimin nga gazrat e dëmshme që po kërcënojnë fatin”. /Telegrafi/