Katy Perry pohon se e kishte të vështirë për muaj të tërë të publikonte këngën e saj më të re, pas ndarjes nga Orlando Bloom.
Këngëtarja 41-vjeçare i befasoi fansat të enjten duke publikuar hitin e saj më të fundit, “Bandaids”, i cili përmban referenca të qarta për marrëdhënien e saj me aktorin 48-vjeçar dhe lë të kuptohet për arsyen e ndarjes së tyre.
Në një postim në Instagram të dielën, Katy pranoi se e kishte shtyrë publikimin e këngës për disa muaj, sepse e kishte të vështirë të tregonte ndjeshmërinë e saj.
Duke ndarë disa foto nga prapaskenat e videoklipit, i cili ka një tematikë paksa tronditëse, ajo falënderoi fansat për mbështetjen ndaj “Bandaids” dhe shpjegoi se shpreson që kënga të ndihmojë edhe të tjerët që po kalojnë situata të ngjashme, për të “gjetur forcën për të vazhduar përpara, ashtu siç bëri ajo”.
“Faleminderit për dashurinë ndaj ‘Bandaids’… sinqerisht, u përpoqa për muaj me idenë për ta publikuar këtë këngë… edhe pas gjithë këtyre viteve, ndonjëherë është e frikshme të jesh e brishtë… Por shpresoj që tekstet e kësaj kënge të prekin dikë që po kalon atë që kam kaluar unë dhe ndoshta ai person të mos ndihet më i vetëm, por të gjejë forcën për të vazhduar përpara, ashtu siç e gjeta unë”.
Publikimi i këngës vjen pas ndarjes së Katy-t dhe Orlandos në qershor, pas gati një dekade lidhjeje me ndërprerje, gjatë së cilës çifti mirëpriti vajzën e tyre, Daisy Dove, në vitin 2020.