Është e sigurt të thuhet se Sergio Ramos nuk ka fituar shumë tifozë të rinj pas paraqitjes së tij në finalen e Ligës së Kampionëve.
Mbrojtësi i Real Madridit dhe kapiteni i Spanjës ka publikuar së fundmi këngën e tij të re, dedikuar Botërorit 2018 së bashku me këngëtarin spanjoll Demarco Flamenco.
Kënga e tyre titullohet 'Otra Estrella en tu Corazon' - që në shqip përkthehet "Një yll tjetër në zemrën tënde".
Teksti përfshin fjalët më të shpeshta që tifozët thonë në tribunë: "Ejani, Spanja, ngrini zërin, bërtitni me zë të lartë, të gjithë për një qëllim, do të arrijmë më të mirën, duke luftuar së bashku, drejt fitores me nder".
Ramos ndau me ndjekësit e tij në rrjetin social Instagram një video ku shfaqte një pjesë nga klipi, video e cila ka arritur të grumbullojë mbi 100.000 shikime që pas lansimit të premten.
Kjo nuk është hera e parë që 32-vjeçari ka sprovuar veten edhe në këndim.
Ai gjithashtu këndoi refrenin kryesor në këngën "La Roja Baila" të Spanjës realizuar për Kampionatin Euro 2016, këngë e cila është më shumë se një klasike e Eurovisionit. /Telegrafi/