Diego Carlos vazhdon të vëzhgohet nga skuadrat më të mëdha evropiane.
Qendërmbrojtësi brazilian ka bërë një sezon të madh me Sevillën dhe ai është dëshirë e disa klubeve me emër në Evropë.
Liverpool, Barcelona dhe Manchester City u interesuan edhe në verë, por në fund nuk arriti oferta e duhur te Sevilla.
Por së fundmi në garë për të është futur edhe gjiganti italian Juventus që synon ta përforcojë repartin defensivë.
Drejtori sportiv i Zonjës së Vjetër, Fabio Paratici ka kontaktuar Sevillën duke kërkuar informacione për lojtarin.
Sevilla e vlerëson mbi 55 milionë yllin brazilian dhe ky është problemi i vetëm për Juventusin.
Gjithsesi sipas medieve italiane, kampioni në fuqi i Serie A synon që të përfshijë ndonjë futbollist në ofertën për Diego Carlos.
Por Zonja e Vjetër duhet të shpejtojë, pasi Liverpooli po shihet si favoriti kryesor për të nënshkruar me të. /Telegrafi/