Që kur lidhja e tyre filloi, ata ishin shumë të diskutuar në mediat rozë.
Këngëtarja Jennifer Lopez dhe i dashuri i saj Alex Rodriguez zgjojnë vazhdimisht kureshtje te fansat e tyre.
Muaj më parë ishte përfolur se çifti u fejuan në fshehtësi, e krejt ky aludim erdhi nga një unazë që Alex i dhuroi Jenniferit.
E lidhur me këtë, ka folur së fundmi vet Rodriguez i cili ka treguar të vërtetën rreth këtyre thashethemeve.
“Ia bëra asaj dhuratë një unazë. Ia kam dhënë atë unazë ndoshta para pesë muajsh. Asaj i pëlqeu shumë dhe i rrinte bukur”, ka thënë ai.
“Sigurisht që ka një kuptim për ne, por jo nuk jemi të fejuar”, ka shtuar ai më tej, duke treguar se çifti shprehin gjithmonë interes për të bërë një hap para.
Ndërkohë, J.Lo ka bërë të ditur së fundmi se do të jetë pjesë e ndarjes së çmimeve "MTV Video Music Awards", ku do të nderohet me çmimin për vepër jetësore. /Telegrafi/