Interi ka vendosur t’i blejë përfundimisht dy mesfushorët Nicolo Barella dhe Stefano Sensi.
Të dy lojtarët janë në huazim te Interi, por që Neroazzurët kanë opsionin e blerjes.
Inter i kishte paguar Cagliarit 20 milionë euro për afrimin e Barellas, ndërsa tani do t’i paguajë edhe pjesën tjetër prej 25 milionë eurove.
Zikaltërtit shpresonin se Cagliari ta blinte Radja Nainggolanin dhe mos të paguanin këtë shumë, por klubi nga Sardegnia nuk ka mundësi financiare për të nënshkruar me belgun.
Nga ana tjetër Stefano Sensi ka qenë si huazim një vjeçar nga Sassuolo.
Edhe pse kishte dyshime fillimisht, Inter nuk do ta lë të lirë Sensin, pasi do t’i paguajë 20 milionë euro Sassuolos për blerjen përfundimtare të tij.
Dy mesfushorët e talentuar shihen me të ardhme të madhe dhe Interi tani ka në radhët e veta dy shpresat e futbollit italian. /Telegrafi/