I kërkoi disa penallti - Ronaldon e lëshojnë nervat para gjyqtarit, vë dorë edhe mbi një tifoz

Al Nassr i Cristiano Ronaldos është buzë eliminimit nga Liga e Kampionëve AFC në Arabinë Saudite.

Edhe pse kaluan të parët në epërsi qysh në minutën e parë me golin e Anderson Talisas që u asistua prej Marcelo Brozovic, skuadra e portugezit është duke humbur 2-1 nga Shabab Al-Ahli Dubai.

Mysafirët kanë shënuar dy gola nëpërmjet Yahya Alghassani (18’, 46’), ndërsa Ronaldo ishte tejet i nervozuar me disa vendime të gjyqtarit.

Pesë herë fituesi i Topit të Artë u pa duke bërtitur, derisa po largohej nga fusha në pushimin mes pjesëve.

Al Nassrit iu mohuan disa penallti në pjesën e parë dhe kjo ishte arsyeja e nervozizmit të Ronaldos, ndërsa ka shtyrë edhe gjyqtarin. /Telegrafi/

https://twitter.com/KushagraPSG/status/1694050803504529860?ref_src=twsrc%5Etfw%7Ctwcamp%5Etweetembed%7Ctwterm%5E1694050803504529860%7Ctwgr%5E17610ea38a4c2ad9ce26d2da9cf4bb42bfd9c6da%7Ctwcon%5Es1_&ref_url=https%3A%2F%2Fligsport.net%2F%3Fp%3D18220