I dehur kanos një person me sopat në Pejë

Një person është arrestuar pasi nën ndikim të alkoolit ka kanosur një person tjetër me sopat.

Në raportin 24 orësh të Policisë së Kosovës, bëhet e ditur se ngjarja ka ndodhur të premten rreth orës 20:15 në rrugën “Mullah Agani”, në Pejë.

Sipas raportit me vendim të prokurorit kujdestar i dyshuari është dërguar në mbajtje.

“Është arrestuar i dyshuari mashkull kosovar pasi që me sopat e kishte kanosur viktimën mashkull kosovar. Pas matjes së alkoolit ka rezultuar se i dyshuari ishte nën ndikim të alkoolit. Me vendim të prokurorit kujdestar i dyshuari dërgohet në mbajtje”, thuhet në raport. /Telegrafi/