Mats Hummels është larguar nga Borussia Dortmund, por ai ka vendosur të mbetet në futbollin evropian.
Qendërmbrojtësi gjerman ka refuzuar shumë oferta nga Superliga e Arabisë, por edhe kampionati amerikan MLS.
Dëshira e lojtarit është të mbetet në Evropë dhe të luaj në nivele të larta dhe ofertat nuk po mungojnë as nga Evropa.
Milani e kërkonte më parë, por kuqezinjtë kanë ndryshuar objektiv dhe nuk janë më të interesuar për transferimin e tij.
Megjithatë Hummels pritet të luaj në Serie A, pasi Roma po shihet tani si skuadra favorite për transferimin e tij me parametra zero.
Si erdhi deri te dorëheqja e Terzic, ai kishte prishur marrëdhëniet me futbollistin legjendar të BVB
Sky ka raportuar se Daniele De Rossi i ka dhënë dritën e gjelbër drejtuesve të Romës për të vazhduar bisedimet me agjentët e lojtarit.
De Rossi e dëshiron një mbrojtës me përvojë dhe Hummels pritet të jetë një nga goditjet e mëdha të Romës, ku do t'i përmirësonte jashtëzakonisht shumë Giallorosët në defensivë. /Telegrafi/