Hulumtimi i agjencisë Gallup për besimin që gëzon presidenti Trump në Ballkanin Perëndimor
Sipas hulumtimit të fundit të agjencisë Gallup, në administratën e re të SHBA-ve, të udhëhequr nga presidenti Donald Trump, kanë besim 45 për qind e qytetarëve të Maqedonisë, përcjell Telegrafi Maqedoni.
Në krahasim me shtetet tjera të ish Jugosllavisë, gatise dyfish më pak, gjegjësisht 24 për qind e qytetarëve të Sllovenisë kanë besim në administratën e Donald Trump, njëlloj sa edhe kroatët, 25 për qind në Malin e Zi dhe 28 për qind në Bosnjë e Hercegovinë.
Hulumtimi i Gallup, që është në nivel botëror, tregon se kur bëhet fjalë për Evropën, përkrahje më të madhe për administratën Trump japin qytetarët e Kosovës me 75 për qind, pason Shqipëria me 72 për qind. Përkrahje më të ulët për administratën e presidentit Trump në rajonin e Ballkanit Perëndimor ka në Serbi, gjegjësisht 16 për qind të të anketuarve./Telegrafi/