Hasani e Gashi nuk grumbullohen në Përfaqësuese
06/10/2014
Kosova nga 9 tetori deri më 12 të këtij muaji do të organizojë kamp tri ditorë në Zvicër. Pjesë e kampit pritet të jenë lojtarët më të mirë që ka momentalisht Përfaqësuesja, kurse do të mungojnë dy prej tyre, raporton Arena.
Është sulmuesi i Gornik Leczna, Shpëtim Hasani, që nuk do të ftohet shkaku i problemeve me skuadrën e tij, si dhe Ardian Gashi që aktivizohet me ODD Grenland të Norvegjisë. Përzgjedhësi Albert Bunjaku pritet që gjatë ditëve të ardhshme të publikojë listën, e cila nuk pritet të ketë shumë risi.
Kosova më 12 tetor do të zhvillojë miqësoren me skuadrën nga Liga e Dytë e Zvicrës, FC Will. Ndeshja luhet në stadiumin e kësaj të fundit, e cila do të përurojë stadium të ri. /Telegrafi/