Florent Muslija ka qenë hero i Hannoverit në kuadër të xhiros së 13-të në Bundesliga 2.
Skuadra e tij ishte në disavantazh nga minuta e gjashtë e ndeshjes, kur Klarer e kaloi Fortuna Dusseldorfin në epërsi.
Megjithatë inkuadrimi i Florent Muslijës në fund të ndeshjes ka qenë vendimtar që Hannoveri të marrë një pikë në udhëtim.
Reprezentuesi i Kosovës u inkuadrua në lojë tetë minuta para fundit të ndeshjes së bashku me Valmir Sylejmanin.
E në minutën e 92-të, Muslija shënoi një gol të jashtëzakonshëm nga distanca për t'i siguruar një pikë të madhe Hannoverit.
Skuadra e dy futbollistëve nga Kosova po kalon nëpër një moment krize dhe kjo pikë e fituar do t'i ndihmojë ata për tu rikthyer. /Telegrafi/
https://twitter.com/DardanianFooty/status/1456992193621733378?s=20