Gjykata nuk ia kthen pasaportën Mijallkovit

Këshilli Penal në Departamentin për Krim të Organizuar pranë Gjykatës Themelore Shkupi 1, ka refuzuar si të pabazë kërkesën për shfuqizim të masave të sigurisë për ish-drejtorin e DSK-së, Sasho Mijallkov, i cili është i akuzuar nga PSP në rastet "Target" dhe "Fortesa".

"Këshilli Penal në Departamentin për Krim të Organizuar pranë Gjykatës Themelore Shkupi 1, duke vepruar mbi kërkesën e S.M për shfuqizimin e masave për përkujdesje, nuk ka planifikuar seancë dhe ka sjellur vendim me të cilin, kërkesa refuzohet si e pabazë", njoftojnë nga Këshilli Penal, përcjell Telegrafi Maqedoni.

Me këtë vendim mbetet në fuqi masa e përkujdesjes "marrje e përkohshme e dokumenteve të udhëtimit dhe ndalesë për dhënie të dokumenteve të reja".

Mijallkov ka afat tre ditë të ankohet në Gjykatën e Apelit për këtë vendim.

Ndërsa më herët Këshilli Penal refuzoi një ankesë të njëjtë për Nikolla Gruevskin./Telegrafi/