​Gjen mjet të pashpërthyer gjatë punës me ekskavator në Klinë

Një mjet i pashpërthyer është gjetur në fshatin Gllarevë të Klinës gjatë punës me ekskavator.

Sipas Policisë së Kosovës, një dëshmitar e ka hasur mjetin të hënën rreth orës 17:00.

Në vendin e ngjarjes kanë dalë njësitë për deminim të KFOR-it dhe FSK-së, të cilat e kanë tërhequr mjetin në mënyrë të sigurt.

Policia ka bërë të ditur se nuk është raportuar për ndonjë incident. /Telegrafi/