Arsenali ka arritur të dalë kokëlartë nga dueli i parë në San Siro përballë Milanit.
Topçinjtë kanë triumfuar me rezultat të pastër 2-0 duke bërë një hap të madh drejt çerekfinales në Ligën e Evropës.
Trajneri i Milanit, Gennaro Gattuso ka thënë se skuadra e tij bëri shumë gabime në këtë takim.
“E dinim se do të ishte një ndeshje e vështirë edhe pse Arsenali po vinte nga një periudhë jo e mirë por që kanë kualitet të lartë”.
“Kemi bërë shumë gabime në këtë sfidë pasi nuk ishim fare kompakt. Nuk kemi luajtur fare si skuadër”, ka thënë Gattuso.
Trajneri italian ka uruar Arsenalin për fitoren e merituar sipas tij.
“Të luajmë në këtë nivel garash për futbollistët e mijë është diçka e re por prapë them se ata bënë shumë gabime”.
“Duhet të shikojmë te para për mos ta humbur besimin pasi kjo ishte vetëm një ditë e keqe”.
“Arsenali e meritoi plotësisht fitoren dhe e uroj për këtë. Kjo humbje duhet të na shërbejë për të ardhmen”, ka deklaruar Gattuso. /Telegrafi/