Futboll: Trepça fiton, Besa dhe Drenica barazojnë
“Xehetarët” mundën vushtrriasit në një ndeshje tejet të dobët nga të dy skuadrat. Ishte sulmuesi Enis Zaberxha (69), i cili nga penalltia shënoi golin e vetëm në këtë takim dhe golin e fitores për mitrovicasit.
Ndërkaq, Drenica dhe Besa në stadiumin “Bajram Aliu” kanë luajtur baras 2-2, në një ndeshje me plot aksione dhe katër gola të shënuara.
Ishin pejanët që përmes Diar Miftari (67), kaluan në avantazh Besën e Pejës. I njëjti lojtar në minutën e 80-të nga pika e bardhë dyfishoi epërsinë e pejanëve prej 0-2. Megjithatë, futbollistët e Drenicës nuk u dorëzuan dhe në minutën e 88-të, Genc Hamiti ngushton epërsinë në 1-2, kurse mesfushori Muahmet Dragusha në minutën e fundit shënoi golin e barazimit dhe i siguron një pikë Drenicës.
Raiffeisen Superliga, xhiroja e 10-të - rezultatet:
Trepça - Llamkos Kosova 1-0
Drenica - Besa 2-2
Liria - Hysi 1-1
Nesër, e diel, takohen:
Drita – Trepça ’89 (ora 15:00)
Vëllaznimi – Hajvalia (ora 15:00)
Të hënën takohen:
Prishtina – Ferronikeli (ora 15:00). /Telegrafi/