Tyson Fury e ka befasuar Jake Paulin duke ndërhyrë gjatë investues së tij dhe ka bërë sikur do ta godasë.
YouTuberi i popullarizuar, i shndërruar në boksier, ka udhëtuar në Londër për të njoftuar lidhur me ricaktimin e datës për meçin e tij me vëllanë e Furyt, Tommy.
Dhe derisa Paul po intervistohej nga JOE, kampioni i botës në kategorinë e peshave të rënda i bëri një vizitë befasuese.
Amerikani dukej i habitur kur Gypsy King e hapi derën dhe bëri sikur do ta godasë me grusht. Megjithatë, të dy shumë shpejt u përqafuan, edhe pse tifozët janë të bindur se Jake kishte pasur shumë frikë në fillim.
Disa nga komentet në rrjetet sociale ishin si në vijim:
“Mund të shihet qartë frika”.
“Jeta e Jake shkëlqeu para syve të tij”.
“E gjithë jeta e tij i doli përpara”.
“Ai ishte i tronditur”.
Edhe Paul është pajtuar me qëndrimin e tifozëve: “Vërtet mendova se do të më godiste kur hyri brenda”.
Tyson Fury i tregon Jake Paulit se çfarë e pret në duelin me vëllain e tij - stërvitje të 'çmendura'
Paul dhe Tommy e kanë ricaktuar për të tretën here duelin e tyre për datën 26 shkurt në Arabinë Saudite, pas në dy rastet e mëparshme është dashur ta anulonin (një herë për shkak të lëndimit dhe herën tjetër për shkak të vizës). /Telegrafi/