Këngëtarja e njohur me prejardhje shqiptare, Bebe Rexha, ka me miliona fansa anë e mbanë botës.
Ajo është shumë aktive dhe e ndjekur në rrjetet sociale, në të cilat ndan çdo ditë me ta fotografi dhe video të ndryshme nga jeta e saj.
Së fundmi, Bebe Rexha ka shpërndarë në InstaStory postimin e një fansi, i cili ka bërë tatuazh emrat e tri këngëtareve të tij të preferuar.
Dhe në një prej tyre ishte edhe emri i Bebe Rexhës, e cila duket të jetë ndër tri artistet që fansi preferon më tepër.
I njëjti fans ka shkruar në Instagram se nuk do të ishte këtu ku është po të mos ishte për këto tri këngëtare.
Ai po ashtu ka shkruar se do të jetë në koncertin e këngëtares shqiptare më 15 dhjetor.
Rexha ndërkohë duket e lumtur kur ka parë atë se çfarë fansi i saj ka bërë për të. /Telegrafi/
